اوحش مكان تشتغل فيه”: هل معني انك سيبت الشغل في مكان انه وحش بالضرورة؟”

ده اوحش مكان اشتغلت فيه… الشركة دي بتقتل افكاري…

 كتير بنسمع كلام من النوع ده اول ما بندخل الحياة العملية او حتي بعد سنين.

علي الجانب الرياضي او الكروي ..ممكن تسمع عن لاعب كرة ساب فريق قعد فيه سنين لما جاله عرض احلي، بس الموضوع مش بيقف هنا لان كتير الموضوع بيتطور فيوصل لتصدير صورة سلبية من اللعيبة دول عن نواديهم مجرد ما سابوا المكان وراحوا مكان جديد.

لكن في الحقيقة  ده مش موضوعنا.. بس هنقولكم العلاقة ايه

تعالي نفتكر مع بعض كده اللحظة الي جالك فيها عرض من شركة منافسة وقررت تسيب شغلك وتروح مكان جديد.
ومع اول يوم ليك في الشركة الجديدة بتعمل قايمة بقد ايه الشركة القديمة دي مكان لا يطاق واوحش مكان تشتغل فيه وتصدر صورة سيئة عن المكان ..  النهايات اخلاق زي ما بيقولوا

المهم… هل في تفسير علمي للتصرف ده؟ وايه علاقته بحكاية اللاعيبة؟

في الحقيقة.. الاتنين بيتصرفوا بشكل متشابه… حياة اللاعيب جوه الملعب وهو كله طاقة وحماس بتساوي حياتك انت كمان جوه ملعبك والي هو شركتك القديمة

ومع حدوث اول تغيير في السيستم الي انت راسمه ده ” الي هو الخسارة او الترك بشكل عام او قكرة وجود خلل في النظام الي انت متعود عليه من سنين من ناس بتشتغل معاها او مكان انت منتمي له” بتبدأ بشكل لا ارادي تصدر وش الهجوم علي الجانب التاني من القصة زي ان قد ايه المكان ده كان قاتل طموحك وممكن كمان يكون رد فعل بشكل مسبق فقبل ما تسيب شغلك تبدأ تخلق مشاكل مع الناس الي بتشتغل معاهم.

ولو هنتكلم علي النفسير العلمي فممكن تركيزنا يروح تجاه التأهيل النفسي..

هو ليه مفيش تأهيل نفسي للشغل؟

      ببساطة هو التأهيل اللي يخلى الانسان يتعامل مع الامور بايجابياتها وسلبياتها بشكل افضل Psychological rehabilitation التأهيل النفسي او ال

 في كل موقف ،وده الي محتاجه الشركات تعمله كجزء من عملية التوظيف وهو ان يكون في عملية تأهيل واختبارات نفسية للموظف يستعد من خلالها علي أكثر من سينايو ممكن يواجههم في الشغل فيقدر يتعامل مع مواقف النجاح او الفشل بأفضل شكل ممكن، واللي لو ما حصلش بينتهي بالشخص انه يخلق حيل دفاعية    واللي كتير بيستخمه الأنسان  في محاولة للوصول لحالة الهدوء الداخلي في محاولة انه يمحي الشعور بالذنب   psychological justification 

 التبرير مش بيقف بس عند المشاعر او الهدوء الداخلي للأنسان لانه ببساطه سهل يتطور فيوصل انه يكون سبب في تحسين صورة الأنسان قدام نفسه علي حساب الاخرين… أعتقد كده فهمنا الموظف ليه نقد نظام شركته القديمة اول ما سابها

علي جانب تاني، هل دايما الصور السلبية عن مكان الشغل غلط؟

أكيد لأ ، لأن ببساطة ممكن حد يواجه فعلا مشاكل في مكان عمله فبتسيب عنده الصورة السلبية دي، مش دايما هيكون رد فعل مرتبط بفكرة التبرير

وكتير بنشوف امثلة حقيقية لناس واجهتهم مشاكل في شغلهم ونشروها علي جروب Don’t Work There

والي منع ناس كتير من المرور بتجربة سيئة في مكان شغلهم او أثر علي قراراتهم العملية فبكده نتجنب الدخول في دايرة من ال Toxic Work Place

والي بيحتاج مش بس تأهيل نفسي للعمل في مكان جديد بل التعامل مع فكرة سوق العمل بشكل عام…

شايفين أن ممكن فعلا تتنفذ فكرة التأهيل النفسي للعاملين في المجالات المختلفة؟ وهل فعلا هيكون لها تأثير في  علاقات الفرد العملية؟