علشان كلنا بنتصاب باكتئاب مفاجئ في الشغل، وبنحس اننا مش قادرين نكمل، بيكون دائما فكرة الاجازة هي اول حاجة بتيجي على بالنا طبعا بعد الاستقالة.
وبرغم ان الفكرة دي فعلا مفيدة وممكن تفرق في نفسيتك كتير، إلا انها مش الحل النهائي اللي هيساعدك فعلا تعدي ازمة الملل واكتئاب الشغل.
فيه حلين كمان ناس كتير مقتنعة ان دول يمكن يفرقوا اكتر
اكسر روتين يومك:
زي انك تحاول تشتغل في مكان غير المكتب، تعمل حاجة جديدة في اليوم تكسر بها الروتين زي انك تقرر تفطرفي مكان قبل الشغل، تقابل صحابك بعد الشغل، لان الروتين كفيل انه يحسسك بالملل اسرع.
اتكلم عن المشكلة:
دائما لازم تدي مشاكلك قيمتها الحقيقية، ومتقلقش ان حد يبصلك نظرة الكسول او غيره لان في الاول والاخر انتالشخص اللي بتتعرض للضغط النفسي، علشان كده حاول انك تكلم مديرك عن مشكلتك وعن الفترة اللي بتعدي فيها، علشان تقدروا منخلال الحوار انكوا تلاقوا حل يفيدك وميضرش بشغلك لكن انت عارف ان احساسك بالتعب ده اتصنف كمتلازمة مؤخراً.
البروفيسور ريتشارد جوندرمان، أستاذ الفلسفة والأشعة في جامعة “إنديانا”، عمل تعريف لـ”متلازمة الإرهاق” بأنها عبارة عن “تراكم المئات أو الآلاف من خيبات الأمل الصغيرة التي تتكون يومياً”، واللي بسببها بتحس بالتعب وبتتقفل من الشغل كله.
والموضوع له بعض العلامات الواضحة زي انك دائما حاسس بالتعب، وعدم اللامبالاة في الشغل، والزهق، والنسيان، وبوادر اكتئاب، و تقلب المزاج وغيرهم من كل الاحاسيس السيئة اللي بتجيلك وقت الشغل.
