ساعات كتير بنزهق من الخروجات التقليدية مع صحابنا، أو أهلنا، اوحتى لوحدنا

وبنحتاج حاجة جديدة تربط ما بينا، وتخلينا منحتجش نبص في موبايلاتنا ونضيع الخروجة بس في أكلة حلوة جوا مطعم مهما كان مكانهبقا سواء على النيل او بيبص على شجر.

علشان كده قعدنا نفكر ايه الاماكن اللي ممكن بسهولة تعيشنا خروجة ومغامرة جديدة بس في نفس الوقت نقدر ناكل فيها، علشان طبعاالخروج من غير اكل، ميكملش.

اول حاجة جت في بالنا هي:

Il Pennello Ceramic Cafe:

هناك هناكل وهنشرب عادي، زيك زي كأنك في اي كافيه تاني، لكن الجديد فيه انك كمان هترسم وتلون قطعتك الفنية، ودي مش مبالغة لا،الفكرة في المكان انك بتختار الشكل اللي عجبك من التماثيل، او الاشكال اللي موجودة قدامك، وبعدين بيبدأ المكان ينزلك ٦ ألوان، وانت لكمطلق الحرية تلون بالطريقة اللي تعجبك، بعد كده بتقدر تطلب اكلك وشربك براحتك بقا.

المميز اوي في الفكرة دي، انها بتنفع لأي تجمع، حتى لو معاك اطفال، وكمان بتقدر انك تحتفظ بذكرى الخروجة دي على طول، مش فيصورة زي باقي الخروجات لا، بس بقطعة فنية هتزين بها ارضاك وتفضل معاك على طول، و I cloud مش هيقولك انك مفيش مساحة لها.

هتلاقي المكان في شارع ٩، في المعادي

………….

ولو انت بقا فعلا بتحب الالوان، وبتحب الروائح الحلوة، ففي مكان معمول مخصوص علشانك وهو

KMT House

هناك انت هتتعلم ازاي تعمل شمعتك المفضلة، بالريحة اللي انت عايزها، واللون اللي بتحبه، يعني بدل ما نروح نشتريها بكتير، الشمعة جتلحد عندك، والموضوع ده بيبقى مليان خلط مواد على بعضها علشان نوصل لتماسك الشمعة ولونها، وهتلاقي نفسك بتغلط شوية، وبتوقعحاجات، وبترجعك زي الطفل تاني اللي بيلغبط وشه بالالوان.

ومش بس الشمع اللي هتتعلمه، لا فيه كمان ورش للرسم والتلوين، مش محتاجاك تكون بيكاسو علشان تشارك فيها، بس محتاجة انك تكوننفسك، وتسيب نفسك والألوان هتتكلم عنك.

أحلى حاجة في المكان ده، انك مش لازم تكون رايحه وانت معاك حد، ممكن عادى اروح لوحدك وهتتعرف على ناس هناك، ناس بتشارككاهتمامتك، واللعب اللي هتلعبوه مع كوباية قهوة سخنة، يعني مش بس نشاط جديد، لا وصحاب جديدة كمان.

هتقدر انك تلاقي المكان ده في فيلا ٧٣ شارع ١٥ في المعادي.

………….

اما لو انت وصحابك بتحبوا القاعدة الرايقة، والكلام الكبير والكتب ففكرنالكم في

Diwan:

لا متقلقش هي مش مكتبة بس، ديوان تقدر تقعد فيها وتشرب اللي انت عايزه وتقرأ كتاب يفصلك عن الواقع اللي انت فيه، او يفهمك موضوع كنت بتدورعليه، ولو جعت اوي هتلاقي SELF في نفس المكان تقدر تطلب عنده اي سلطة عايزها، تحس انها قاعدة بتغذي روحك قبل ما تغذي جسمك،وبتقدر فيها تغرق في عالم مليان ورق، وقصص، بس خلى بالك، علشان اه القاعدة جميلة، بس ممكن تلاقي نفسك اشتريت المكان كله منكتير ما البياع هيرشحلك حاجات تقراها.

وديوان هتلاقيها موجودة في شارع ٢١٣

………

طب لو عايز تفصل من ضغط الحياة بكل ما فيها، وتهرب كده وتجرى تدور على نفسك، زي ما بيقولوا تعمل نشاط روحاني، خصوصا بعد مارجعنا من العيد علشان نشوف كمية الشغل اللي مستنيانا، او لو انت لسة مخلصة ثانوية عامة، وعلشان كده بنرشحلكم

Osana Family Wellness

اوسانا مش مجرد كافيه، ولا مكان بيعمل كيك تحفة، ولا مكان لليوجا بس وسط زرع كتير ومنظر مريح للأعصاب.

اوسانا شبه اسمه جدا، حاجة للعيلة وللروح، فهناك انت تقدر تحضر كورسات يوجا بأنواعها المختلفة علشان تتخلص من الضغط النفسيوالعصبي اللي بقينا عايشين فيه على طول في دوامة الحياة دي اللي مليانة شغل بس.

او ممكن تروح علشان تعمل مساج علشان تفك عضلاتك اللي بقالها كتير قاعدة على المكتب.

او تجرب تأخذ محاضرات عن العلاج الصيني التقليدي.

أو تتجمع في الأمسيات الموسيقية اللي بنلف فيها حوالين بعض علشان نسمع او نجرب نلعب على الة معينة، حتى او غلط، بس نحاول نخرجطاقة.

والجزء الأهم في اوسانا واللي دائما شاددنا، فكرة الاستشارة النفسية اللي بيقدموها من متخصصين متطوعين في اوسانا انهم يسمعوك،يعرفوا مشكلتك، يحاولوا يحلهالك.

ولو انت عندك اطفال فتقدري تشيليهم هناك ياخذوا كورسات للطبخ، واليوجا، والرسم، كأنك بتستثمري في ابنك.

علشان كده دائما لو عايز مكان مختلف عن اي مكان روحته في حياتك، هنرشحلك اوسانا، وهتلاقي في ٤ شارع النادي.

……..

ولو عايز قاعدة تحسسك انك على قهوة بس قهوة شيك شويتين، قدامك

El Qahwa Khan

القهوة خان هو مكان تحس نفسك في “وسط ناو“، قاعد بتشرب قهوة وتاكل حاجة خفيف، ومش بس كده تتفرج على جاليري ليلي، وساعاتبيقدموا هناك ورش تعليم الرسم والفخار، مش لازم تحضر اكيد كل الورش، بس اكيد الفخار بالذات والطينة هتحب انك تعملها مرة.

وهتلاقي القهوة في ٢٥ شارع عرابي، المعادي

…….

طب لو عايز تلعب، وانتوا مجموعة كبيرة، تروحوا فين ميكونش بعيد؟؟

اكيد لازم تجربوا

Nile kayak club

اكيد طبعا سمعت عن فكرة الkayaking المنتشرة جدا الفترة دي، بس في الأغلب انتشرت اوي في الزمالك، لكن احنا لقينا اول نادي للkayaking في مصر موجود هنا في المعادي

تقدر ناخد صحابك، وتعملوا مع بعض سباقات جوا الماية، بس منضمنش انك تفضل على المركب لان اكيد ممكن تقع، لكن احسن حاجة انكدائما في متخصصين مراقبينك، شايفين انت فين، ملبسينك كل الادوات اللي انت محتاجها، فلا تقلق اقع براحتك، المهم ننبسط.

احلى حاجة في الكياكينج انك هتخرج طاقة وانت بتأدف، مخرجتهاش قبل كده. وبعد ما تخلص انت كده كده هتكون على كورنيش المعادي،فانا عندك كل الكافيهات اللي محتاج انك تاكل فيها، بس زي ما قلنا هدف الخروجة الاول، مش الاكل، لا….التجربة.

……

عندك فوبيا من الماية؟ مش بتحب الفرهدة؟ خلاص خلاص احنا فاهمينك، فيه خروجات تانية، عندك مثلا

Bounce bowling:

اللي بيخلي المكان ده مختلف عن غيره للبولينج، هي ألوانه وديكوراته الجديدة، اللي تحسسك انك دخلت جوا فيلم اجنبي للمراهقين، حتىجزء المطعم اللي حوله شبه جدا المطاعم الامريكية اللي بتظهر في افلام زي high schools علشان كده المكان ده مناسب اوي للتصويرواللعب، والاكل، ٣ في واحد. بس هو مش مكان للبولينج وخلاص، انت كمان هتلاقي الهوكي، والعاب الPlayStation في انتظارك، والمكانمش بعيد عنك

هو موجود جوا بندر مول في شارع فلسطين في المعادي .

…….

طب لو بتدور على حاجة تحسسك انك هربت من حر الصيف ده، اللي بيسيحنا كلنا، بس برده مش عايز تدفع مليون جنيه، فده برده سهليتلاقى جوا المعادي

Ice Planet

احلى حاجة هناك ان اغلب الوقت المكان بيكون فاضي، فلما بتروحوا انت وصحابك بتحس انك صاحب المكان مثلا، بس ياريت لو رايك ناخدمعاك حاجة تقيلة لان الجو برد، وكمان ياريت تبعد عن اي لبس ابيض، لانك لو وقعت فالماية هتخلي هدومك تبقى شفافة، والبشرية كلهاهتشوف حاجات انت اكيد مش عايزهم تشوفها، فدائما الجأ للأسود ودي نصيحة من قلب التجربة.

وده كله موجودة جوا family land  المعادي عند أبراج عثمان على كورنيش المعادي

……..

عايز تفصل وتنزل البحر، وتعيش يوم كامل جوا القاهرة بس برة في نفس الوقت، لازم تروح:

عايز تفصل وتنزل البحر، وتعيش يوم كامل جوا القاهرة بس برة في نفس الوقت، لازم تروح:

Villa Belle Epoque

احلى حاجة في المكان ده انه يقدر يفصلك عن كل اللي حواليك، الدوشة والعربيات والهتحس انك سافرت بس كل اللي انت عملته انك خدت تاكسي علشان توصل، هتحس انك عايش في اليونان، او تركيا من كتر ما التصميم بتاع البيت مريح للاعصاب، ده غير الخدمة، والاكل، فالمكان ده دائما بنلجأله لو بجد عايز يوم تعيشه انت وبس.

كل ده موجود في شارع ١٣ المعادي  

…….

واكيد لسة فيه حاجات كتير ممكن تتعمل، وانشطة مختلفة كتيرة حوالينا، قولولنا انتوا ايه اكتر خروجة مش تقليدية بتحبوا دائما تعملوها، ولوجربتوا اي مكان من اللي احنا قولناهم كان ايه رأيكم فيها؟